• २०८३ मंसिर ६  आईतवार
  • Sunday 22 Nov 2026

   अनुसन्धान तथा प्रशिक्षण परिषदको ११औ बैठक सम्पन्न

सुदूरपश्चिम प्रदेश अनुसन्धान तथा प्रशिक्षण प्रतिष्ठान डोटीको एघारौं बैठक अनुसन्धान तथा प्रशिक्षण परिषद्‌को बैठक मिति २०८३ कार्तिक १४ गते मुख्यमन्त्री तथा मन्त्रिपरिषद्को कार्यालय, धनगढीमा सम्पन्न भएको छ। प्रतिष्ठानको ऐन २०७७ तथा पहिलो संशोधन ऐन २०७९ को दफा ९ (१) बमोजिम परिषद्को एघारौं बैठक बसेको हो। बैठकको अध्यक्षता सुदूरपश्चिम प्रदेश सरकारका मुख्यमन्त्री माननीय खगराज भट्टज्‍यूले गर्नु भएको थियो। 

परिषद्को एघारौं बैठकमा प्रतिष्ठानका कार्यकारी निर्देशक गेहेन्द्र बमले प्रतिष्ठानले आ.व. २०८२/०८३ को सम्पादन गरेका प्रमुख कार्यहरूको बारेमा प्रस्तुतीकरण गर्नुका साथै प्रतिष्ठानको आगामी कार्ययोजनाका बारेमा बैठकलाई जानकारी गराउनु भएको थियो। साथै प्रतिष्ठानले भोग्दै आइरहेका समस्या तथा प्रतिष्ठानलाई समयसापेक्ष गुणस्तरीय प्रशिक्षण तथा अनुसन्धान, स्थानीय तहहरू, विभिन्न सरकारी तथा गैरसरकारी संघसंस्थाहरूसँग सहकार्य र समन्वय गर्दै ISO मान्यता प्राप्त संस्थाको रूपमा लैजानुपर्नेमा परिषद्का सदस्यहरूले विचार व्यक्त गर्नुभएको थियो।